"TRADIZIONI, SAPORI, GIOCHI... "

• Giogos antigos
• Filumenas, nenias e...
• Dicios
• Calendario 2008
  (con ricette in sardo)
• Progetto

GIOGOS ANTIGOS

Custos fint sos giogos chi faghiant sos donnos mannos cando fint piseddos.

• Sas pupias de istratzu

S’usantzia de faghere sas pupias de istratzu est tramandada dai re in redoriu. Sas pupias beniant fatas dai sas mamas e dai sas donnas mannas impitende sos istratzos. S’istratzu beniat pijadu ponzende innantis un’àteru biculu de istratzu a piumbu a su corpus pro dare fromma a sos bratzos e a sa conca. Pustis chi sa sfrommas fint aprontadas, si tinghiant sos ogros e sas cristas in sa cara. A s’ultimu si faghiant sos pilos cun sa lana o unu tzufu de pilos beros e si frimaiant cun unu capu de filu.

• Su giogu de s’aneddu

Sos piseddos setzidos in tundu si passaiant s’aneddu cun sas manos giuntas. Niune ischiat chie gighiat s’aneddu a manco de sos piseddos chi l’aiant retzidu. Su pitzinnu chi fit intro su tundu deviat incertare in cale manu giunta fit s’aneddu …. Si sighiat gai e tirende semper a sorte.

• A Paradisu

Si signaiant in terra de sos quadratos. Sa prima pitzinna deviat lampare una pedrighina in su quadratu nùmeru unu. Pustis, cun un’anca, deviat coglire sa pedrighina e torrare a comintzare chena tocare sas rigas. Si sighiat gai fintzas a su quadratu nùmeru doighi.

Binchiat chie resèsiat a non faghere imbaglios.

Su giogu sighiat cun proas pius matanosas, comente cussa de assentare sa pedrighina in taulas de cheveddu chena tocare sas rigas. Fatende custa proa si deviat aboghinare “pane”; sos àteros piseddos deviant ripondere “salame”. Si sa riga beniat tocada cun sos pes deviant aboghinare “saltitza” e si torraiat a comintzare de bellu nou.

• Su giogu de sa pedrighina

Si leaiant chimbe pedrighinas tundas e si lampaiant ispartas in terra.

Si leaiat a seberu una pedrighina e si betaiat in altu chirchende de la leare. Innantis de faghere custu, cun sa mantessi manu si deviat leareduas pedrighinas dae terra e leare cussa chi fit in aeras. Su giogu sighiat in custa manera fintzas a leare totu e chimbe sas pedrighinas. Si sighiat a giogare cun semper pius pedrighinas. Pustis, sas pedrighinas si deviant ponnere subra sa pinta de sa manu. Pro binchere non si deviat faddire.

• A s’ascia

Si poniat carchi soddu in sa pianta de sa manu, s’alciaiant in altu e si lassaiant falare a terra. Sos piseddos deviant incertare si essiat crastu o rughe. Si remuniant totu sos soddos chie incertaiat.

• A sa riga:

S’assimizat a sue prima, solu chi si deviat fàghere una riga in terra.

Ateros giogos

Garici, Sighi-sighi,

Cua-cua

Custu est su porcu

Custu est su porcu

Custu l’at mortu

Custu l’at usciadu

Custu si l’at manigadu

A picirineddu

non nde l’ant lassadu

Custu s’aneddu

Custu s’aneddu (anulare)

Su didale (medio)

Su conta inari (indice)

S’ischitza piogu (pollice)

Su minoreddu (mignolo)

Pupu idanda

Pupu idanda
Anda e beni
Imbia beni
Imbia topa
Topedda cana
Batu de rana
Batu de austu
Su pe’ ifustu
Su pe’ a modde
A “ballare” a sa funtanedda
de Mastina soleddu

Conzeddu Conzeddu

Conzeddu conzeddu
Bulita bulita
Conzeddu conzeddu
Bulita bulita:
- Ite ch’at inoghe?
Pane de oro
Chie l’at fatu?
Babu e mama
A chie riet un’ibatulada

Audio

• Unnara
• Dunnara
• Tredda
• Bàtile
• Chingia
• Sedda
• Seddone
• Istafa
• Briglia
• Iprone

Audio

• Unzi
• Dunzi
• Treni
• Cali
• Cadenzi
• Picu
• Iscala
• Nùmeru ceci

Audio

• Uni
• Nduri
• Nderi
• Canderi
• Candicu
• Sundicu
• Picanu
• Meranu
• Mereche
• Sundeche

DICIOS

Apo pagadu unu soddu pro non gighere peta de àinu a coddu.

A paraulas macas orijas surdas.

Ses peus de s’àinu in sa falada.

A caddu tocadu sa sedda li pitigat.

Prende s’àinu inue cheret su padronu.

Fritu de beranu àinu nde tremet.

Chie podet tumbada, chie non si arrumbat.

Mentovendet in muros e bessende in gianna.

Iscura s’arzola chi timet sa fromija.

Promisas et non fatas, meda si nd’agatant.

Est a abare sas puddas pioende.

Chie at favores in corte non morit de mala sorte.

Sos dolores sunt che sos benes, chie los at si los muntenet.

Peideru mortu cadrea leada.

Si fio istada indovina non fio istada meschina.

Non si podet faghere "trù" chena laras.

Su bisonzu ponet sa betza a currere.

Su boe narat corrudu a s’ainu.

Orrios de àinu no alciant a chelu.

Su pecadu de sa limba est su primu chi si pianghet.

Niune si nelzat biadu fintzas chi siat interadu.

Piseddos e puddas imbrutant su logu.

A maridu cancinu muzere furanciula.

Menzus una riposta pronta chi chentu iscudos in busciaca.

Chie non faeddat a curcuriga si faghet.

Andende andende s’acontzat bariu.

Sa veridade la narat su cocoide in sa braja.

A cosas fatas non balent impudos.

Chie non morit de balla, morit de aschicusada

Chentu concas chentu berritas.

Su male leadu male andat.

Riu mudu tratzadore.

A contos male fatos si bi torrat.

Chie riet in chenàbura pianghet in domìniga.

Onzi atapada est a su poddighe malu.

In buca tancada non b'intrat musca.

Sa limba est unu mossu e truncat pupa e ossu.

Iscuru chie non imbetzat.

Chie non cheret intendere, non niat.

A su murru malu si nche fuet fintzas su cane.

Onzi malu pagatore che su giuarzu matzore.

Chie non cumprendet malu cantu si agatat.

Su baratu est carestia.

Chena soddu non si cantat missa.

Dae sa rosa impara s’umana bellesa,
nch’ at in una die pompa e sepoltura.

Torna su

CALENDARIU 2008

Il calendario 2008 contiene ricette sarde in lingua sarda.
Alcune ricette ci sono state riferite dai familiari degli alunni,
altre ricette sono state reperite in Internet e poi tradotte in sardo.

Scarica il file .doc (2.676 Kb)

Torna su

S

PROGETTO

"TRADIZIONI E SAPORI"

Obiettivi
Raccogliere ricette antiche tramite interviste e ricerche in famiglia
su vecchi ricettari;
riscoprire attraverso i sapori le tradizioni antiche;
saper operare confronti tra passato e presente sulle feste religiose del proprio paese;
ricavare informazioni sui giochi del passato;
condurre una ricerca storica relativa alla vita dei nonni (feste,
balli, canti, mestieri );
ricercare, registrare, rielaborare testi appartenenti alla tradizione
orale della zona (filastrocche, proverbi, modi di dire).

Contenuti
Ricerca di materiale perduto, canzoni, filastrocche, proverbi,
modi di dire, giochi, usanze, costumi e mestieri.
Produzione di giochi e di strumenti del passato.
Realizzazione di un ricettario dei piatti tipici locali in occasioni
di feste (Pasqua, Natale, Carnevale, defunti ecc.)

Metodologia
Ci si servirà della metodologia della ricerca atta a consentire processi di apprendimento, favorendo lavori di gruppo e realizzando percorsi trasversali a tutte le discipline (lingua italiana, ed. immagine, ed. musicale, ed. motoria).
Saranno realizzate interviste ai genitori, ai nonni, agli anziani
i cui contenuti saranno rielaborati dai bambini delle classi 1^, 2^, 3^ e 5^ del plesso di Chilivani.

Nota: le fonti di questa raccolta sono soprattutto i ricordi dei familiari degli alunni,
ma alcuni materiali sono stati reperiti in Internet.

L'insegnante referente: Annalisa Mesina